مجتمع همسات ضمد | HamasatDamad

مجتمع همسات ضمد | HamasatDamad (https://www.hamasatdamad.com/vb/index.php)
-   ₪•∙ واحةالشعر المحكي الشعبي ∙•₪ (https://www.hamasatdamad.com/vb/forumdisplay.php?f=84)
-   -   ما تغيَّر شي .. لكن .. صار فاضي هالمكـان (https://www.hamasatdamad.com/vb/t150777.html)

العميل كبرى 23-05-2020 01:28 AM

ما تغيَّر شي .. لكن .. صار فاضي هالمكـان
 

ما تغيَّر شي .. لكن .. صار فاضي هالمكـان
يعني إنتَ شفت قلبي! طحت مِنْ عيني وعينـه
كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))
ليه مستغرب كلامي وليـه أعطيـك الأمـان؟؟
وليه تَكْذِب في كلامك العـذر وينـك ووينـه؟؟
ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه
تدري لما قلت أحبك قلت وما عنـدي ضمـان
وإختياري كان خاطىء! تجربه بالحيـل شينـه
كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه
الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه
قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه

اغدا القاك 23-05-2020 09:33 AM

الراقي العميل كيري


بكل ما في طرحك التي نقلته لنا هنا وما يحمل في طياته من عتاب ومعاني وكلام اقل ما يمكن ان اصف ما قراءت هنا عباره عن فن ابداع روعه رقي وهذا ان دل على شي فانما يدل على من نقل لنا هذا الطرح يمتاز باكثر من ذلك الرقي والابداع والذوق والروعه

فلك مني كل التقدير والاحترام



دمت بخير

العميل كبرى 23-05-2020 05:12 PM

مرحبا

اخي الكريم من العادين ومن الفايزين وكل عام وانتم بخير

ثانياء
انا اسمي المستعارالعميل كبرى وليس جبن كيري

اشكرك على مرورك

اموووله 26-05-2020 02:12 PM

https://meaningnames.net/write/17/يس...لة%20تحيتي.png


الساعة الآن 11:16 AM بتوقيت مكة المكرمة

Powered by vBulletin® Copyright ©2000 - 2020, Jelsoft Enterprises Ltd.
SEO by vBSEO
هذا الموقع يستخدم منتجات
Weblanca.com
HêĽм √ 3.1 BY: ! ωαнαм ! © 2010
new notificatio by 9adq_ala7sas

اختصار الروابط
vEhdaa 1.1 by NLP ©2009