(( الأفضل خلال اليوم ))
أفضل مشارك :
بيانات لمس الروح
اللقب
المشاركات 8196
النقاط 4524


 ننتظر تسجيلك هـنـا

|[ مركز تحميل المنتدى والفعاليات]|

الإهداءات




قصة الثور والحمار لاتفوتكم

₪•∙ كان ياماكان ∙•₪


إضافة رد
قديم 28-09-2018, 05:47 AM   #1


الصورة الرمزية ابوعبدالله
ابوعبدالله غير متواجد حالياً

بيانات اضافيه [ + ]
 رقم العضوية : 3671
 تاريخ التسجيل :  22 - 12 - 2011
 أخر زيارة : 06-12-2018 (03:13 PM)
 المشاركات : 504 [ + ]
 التقييم :  1994
 اوسمتي
وسام الذوق الرفيع وسام العطاء 
لوني المفضل : Cadetblue
Icon45001 قصة الثور والحمار لاتفوتكم



















قصة الثور والحمار

ارجو قراءتها الى النهايه للاهميه

كان ياما كان في وقت سابق من الزمان كان فيه ثور عايش في امان
يسري اخر الليل ويرجع شبعان على هذا الحال صار له زمان
وبيوم تعرف عليه حمار تعبان ومن هنا ستبدأ القصه يا اخوان

المهم هذا الثور كان يعيش مع كثير من الحيوانات اللي من فصيلته من البقر والحمير والابل وغيرها وكان هذا الثور قد تعرف على مكان في الغابه فيه من الزرع والنباتات الكثير وكان عايش مبسوط وشبعان ومايدري عن هذا احد غيره فكان كل ليله يترك ربعه ويروح خلسه بدون ماحد يحس فيه ياكل من هذاك الزرع بهدوء لين يشبع على شان ماتسمعه الحيوانات المفترسه وتقضي عليه وفي احدى الليالي اكتشفه الحمار وقال له ياصديقي اراك ماشاء الله متعافي وشبعان والاحظ انك احيانا تروح وترجع متأخر وباين عليك الشبع علمني وين تروح وايش تسوي في روحتك
حاول يتهرب الثور من الاجابه حتى مايفضح نفسه وتخرب عليه لانه يعرف طبع الحمير اذا شبعوا هههه المهم ان الحمار نشب له تكفى تكفى علمني اذا انت تروح لمكان فيه علف وزرع بروح معك لأني ميت جوع المهم محاولات من الحمار وافق الثور انه ياخذ الحمار معاه بس بشرط انه مايرفع صوته بس ياكلون ويرجعون بدون ماحدا يسمع لهم صوت قال الحمار وليش طيب ماتبغى احد يسمعنا قال الثور ياغبي ياحمار الغابه مليانه وحوش وحيوانات مفترسه ولو سمعت اي صوت تلحقه وتاكله قال الحمار تم وعد اني ما افتح فمي قاله هااا لاتفضحنا تراني ادري بكم يالحمير اذا الواحد شبع منكم مايمسك نفسه لازم يعنفل وينهج ويجري قال الحمار لا ابد مايهمك انا بمسك اعصابي لين نرجع مكاننا قال الثور اجل اتفقنا يالله الليله بعد منتصف الليل نسري ويوم حان الوقت مشو للمكان اللي فيه الزرع يوم شافه الحمار قال والله انك نذل ياخي كل ليله تعبي بطنك من هذي النعمه ولا تعلمنا قال الثور روح ياعمي اليوم المخلوقات نفسي نفسي ما حد يفكر بغيره كل بس وانت ساكت المهم اكلو لين شبعو ويوم قدهم ماشين الا والحمار يرفع راسه لفوق ويحرك ذيله ويفح قمه ويقفله ويفتحه يعني الحمار قام يحمي يتجهز للناهق هههه قاله الثور ايش فيك ليش قاعد تسوي هذي الحركات يالله خلنا نمشي قبل ماينتبهون لنا الوحوش قال والله ياعمي الثور اعذرني معليش ما قدرت امسك نفسي ولازم اطلع اللي في صدري قال الثور يعني كيف قال والله لازم انهق وبأعلى صوتي كمان ولازم مع الناهق اسوي الحركات اللي احنا متعودين نسويها اذا شبعنا نحن معشر الحمير قال الثور تكفى لا تسويها والله ان سمعك اسد والا نمر اننا مانسلم منهم قال الحمار والله يالحبيب مع نفسك انا ما اقدر اخالف آبائي واجدادي وهذا نهج متوارث ما اقدر اخليه قال الثور مصمم قال مره ما فيها كلام قال طيب دقيقه بس خلني اروح قدامك مسافه بسيطه على شان اشوف فيه احد قريب منا والا لا وبعدها اقلك خذ راحتك اذا ماشفت اي شي قال الحمار اوكي انتظرك بس استعجل تراني خلاص ماعاد فيني صبر بتطلع مني تلقائيا قال الثور اوكي ومشى وخلاه وما امداه يبعد عنه شويه الا والحمار ينهق ويشيل برجليه ويرفعها لفوق ويزيد بالنهاق ويفتر حول نفسه وبعد يمكن عشر دقايق الا والثور ماعاد يسمع اي صوت للحمار ومشى عنه بعيد وانتظره لكن ماعاد لحق الحمار والثور شلها وراح يجري لين وصل مكانه وجا الصباح يتفقد الثور مكان الحمار الا والله ماهو موجود قال ايه زين وانا ما انتظرت عنده يوم قال بيسويها صحيح المثل اللي يقول ان الحمار اذا شبع نهق بالله ايش فيها لو ان الحمار اكل من هذه النعمه وحافظ عليها ورجع ساكت كان ما صار له شي وبياكل منها كل يوم لكن لا قال لازم يسوي حركات وينهق ويفتر حول نفسه وهذي اخرتها راح ضحية

وهذه الحاله يا اخوان والله موجوده في مجتمعنا بعض الشباب هداهم الله اذا أبوه او أمه اشترو له سياره وعطوه فلوس واكرموه ونغنغوه قام يهجول بهذي السياره بدون حاجه ويعلي صوت المسجل ويدقدق بواري ويفحط بالسياره ويلعن كيفها لين تنتهي يا اما تتكسر وتخرب يا اما يسوي بها حادث يدمرها ويدمره فليش الهياط ياشباب وليش تقتلون انفسكم بالتفحيط والسرعه ليش تحرقون قلوب امهاتكم عليكم ليش تزعجون الخلق وربما تقتلون الابرياء بتفحيط او بسرعه ليش ماتحافظون على النعمه اللي الله اعطاكم هي ليه وانتم الله فضل عليكم بنعمة العقل دون غيركم من المخلوقات فالحمار لما سوى كذا ما نشره عليه لانه حيوان ما عنده عقل يميز الصح من الغلط زينا
بس صدقوني لو ان هذا الشاب هو اللي دافع فيها من راتبه اقساط ما سوى كذا لكن على ما قالو ( ماباع فيها الجدايه او ما جلب فيها من امزربه ) هههه طبعا هذا مثل شعبي عندنا
ومعناه انه لو اخذ من شبك الغنم حقه وراح باعه في السوق على شان يشتري السياره ماكان سوى فيها كذا لكن جاته بارده مبرده ماتعب ولا شقي في قيمتها
والسلام عليكم ورحمة الله وبركاته

اتمنى ان تنال هذه القصه اعجابكم وان نستفيد منها
ولكم تحياتي

بقلم/ اخوكم ابوعبدالله


.











 

التعديل الأخير تم بواسطة همسه جنوبيه ; 07-10-2018 الساعة 04:36 PM

رد مع اقتباس
قديم 28-09-2018, 05:17 PM   #2


الصورة الرمزية ريماا
ريماا غير متواجد حالياً

بيانات اضافيه [ + ]
 رقم العضوية : 14336
 تاريخ التسجيل :  22 - 2 - 2015
 أخر زيارة : اليوم (12:35 AM)
 المشاركات : 44,620 [ + ]
 التقييم :  90898
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : White
افتراضي



قصه معبره
وبين طياتها
الشيء الكثير
ومانقول غير خافوا
الله في ابنائكم
مهما كنت في خير وفي نعمه
لا تلقي بأبنائك الى التهلكه
وتقول من حقه يدلع ويعيش
وكل شي حاضر وابشر
لأنه لن يشعر بقيمة الشيء
الذي بين يديه فيصبح
بدال ماينتفع به يضر به نفسه ..

احسنت ابوعبدالله طرحت فأبدعت
سلمت يداك وذائقتك
في انتظار جديدك بشووق
دمت بخير وسعااده
🌷


 


رد مع اقتباس
قديم 28-09-2018, 05:23 PM   #3


الصورة الرمزية اجير الصمت
اجير الصمت غير متواجد حالياً

بيانات اضافيه [ + ]
 رقم العضوية : 5420
 تاريخ التسجيل :  12 - 7 - 2012
 أخر زيارة : اليوم (04:20 PM)
 المشاركات : 51,339 [ + ]
 التقييم :  25560
 الجنس ~
Male
 MMS ~
MMS ~
 SMS ~
لوني المفضل : Ghostwhite
افتراضي



ابو عبدالله دايمن تتحفنا بكل جميل سلمت الأيادي


 


رد مع اقتباس
قديم 28-09-2018, 05:35 PM   #4



الصورة الرمزية الحريصـي
الحريصـي غير متواجد حالياً

بيانات اضافيه [ + ]
 رقم العضوية : 4800
 تاريخ التسجيل :  19 - 4 - 2012
 أخر زيارة : اليوم (02:02 PM)
 المشاركات : 3,385 [ + ]
 التقييم :  27066
لوني المفضل : Cadetblue
افتراضي



اخي ابو عبدالله ..
حقيقه طرحت فأبدعت
قصه في ثناياها عبر كثيره
وضربت المثل الجميل المحكم
اشكرك على هذا الطرح القيم.
وعلى الحضور الراقي.
ونسأل الله الصلاح والهدايه لأبنائنا
وابناء المسلمين.

دمت عزيزي بخير وعافيه
ودام لنا تواجدك الجميل.


 


رد مع اقتباس
قديم 28-09-2018, 06:24 PM   #5


الصورة الرمزية عالم الرياضة
عالم الرياضة غير متواجد حالياً

بيانات اضافيه [ + ]
 رقم العضوية : 11625
 تاريخ التسجيل :  12 - 12 - 2013
 أخر زيارة : 04-10-2018 (11:03 AM)
 المشاركات : 21,263 [ + ]
 التقييم :  83333
 الجنس ~
Male
لوني المفضل : Cadetblue
افتراضي



~.~

رووعة يامال العافية
قصة هادفة يتم من خلالها استنباط الكثير من الفوائدة والعضة والتوجيه
ألف شكر بوعبدالله على طرحك القيّم
ودمت بخير وعافية

...


 


رد مع اقتباس
إضافة رد

مواقع النشر (المفضلة)


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

تابعونا عبر تويتر تابعونا عبر فيس بوك
|[ مركز تحميل المنتدى والفعاليات]|
RSS RSS 2.0 XML MAP HTML

Loading...

Powered by vBulletin® Copyright ©2000 - 2018, Jelsoft Enterprises Ltd.
SEO by vBSEO
HêĽм √ 3.1 BY:
! ωαнαм ! © 2010
new notificatio by 9adq_ala7sas
اختصار الروابط
vEhdaa 1.1 by NLP ©2009